مسلسل “النار بالنار “يثير الفتنة بين السوريين واللبنانيين (فيديو)
احدث مشهدا من مسلسل “النار بالنار” حالة من الجدل على وسائل التواصل الاجتماعي بعد عرض الحلقة الخامسة من العمل, وفي احد المشاهد يدور حوار بين الفنانة السورية كاريس بشار والفنان اللبناني جورج خباز , ويصور المشهد استياء كاريس بشار التي تؤدي دور “مريم” في المسلسل من يافطة تم تعليقها في الشارع وقد كُتب عليها “يمنع تجوال السوريون بعد الساعة الثامنة مساء”، وهو ما يثير غضبها لتدخل في مواجهة كلامية حادة مع جورج خباز (عزيز) الذي كان يقف بالقرب منها.
كتير حبيت الحوار بينهم واقعي جدا ولاول مرة بينطرح بشكل جريء ، اداء رائع ل جورج خباز وكاريس
بتنكتب سوريين مو سوريون يامثقف يافهمان يافينيئي ???????? كاريسي بتجنني ❤️#النار_بالنار @karessbasharnetpic.twitter.com/xGidmCm1Kn— Mariam (@Mariam__967) March 28, 2023
وفي الحوار الذي يسلط الضوء على ظاهرة “العنصرية بين السوريين واللبنانيين”، يقول عزيز لـ مريم: “انتو جايين هيك وقحين ما عندكن جنس الحيا، إلك عين تحكي انت؟ ماضيكن معنا بشع وحاضركن على ابشع، انا محلك بحط راسي بالأرض”. وردت عليه مريم بالقول: “اول شي مو نحنا اللي اجيناكم بكيفنا، انتو اللي بعتو ورانا، وتاني شي لولانا كنتو هبرتو بعض”.
عزيز أكمل حواره قائلاً: “نحن بعتنا وراكن على اساس قوات ردع عربية صار بدو مين يردعكن، قعدتو عنا 30 سنة عم تردعوا مدري مين ومدري شو، بعدين لما خلصت الحرب بقيتوا ميّقطين على قلبنا متل الكابوس، شو بتعرفي عن المدفون، شو بتعرفي عن ضهر البيدر، عن عنجر؟ انت شي مرة قاعدة على ربطة الخبر لما يقشطك ياها ابو سن دهب تبع الحاجز، كنا اذا اخدنا نفس يشلحونا نصوا، إلك عين تحكي كمان”.
لترد عليه كاريس بشار بالقول : “ما بدا كل هالموشحات، احمل حالك وانزل عالشام وورجينا المراجل، ليقاطعها هو قائلا:”ما بدي انزل عالشام، روحي انت عالشام”، قبل أن يختتم المشهد باستهزاء مريم من عزيز بالقول: “وينك يا ردع بيكتبوها سوريين مو سوريون يا مثقف يا فهيم يا فينيقي”.
وحاز المشهد على اعجاب عدد كبير من المتابعين الذين تناقلوه بشكل واسع وعبروا عن اعجابهم الشديد بتسليط الضوء على قضية شائكة لا يمكن السيطرة عليها وبنفس الوقت لا يمكن مناقشتها بهذا الشكل الصريح كما حدث في المشهد بين كاريس وخباز , فيما اعتبر البعض ان المشهد لا قيمة له سوى اثارة الفتنة بين الشعب السوري واللبناني .
