ضيعة ضايعة

كاتب ضيعة ضايعة: “نكتة القطار” في المسلسل “مكتوبة بالنص” ولم تكن عبثية!

رد الدكتور ممدوح حمادة على خبر سابق تم تداوله على وسائل التواصل الاجتماعي بخصوص تصريح منسوب للفنانة تولاي هارون خلال مقابلة اذاعية قالت فيه انها رفضت تمثيل مشهد نكتة القطار في حلقة جزر الكناري, وان النكتة كانت اضافة على المشهد كطلب من المخرج الليث حجو, مما دفع كاتب العمل “حمادة ” الى نشر توضيح خاص معلقا على الموضوع, حيث كتب حمادة:
“تحياتي .. من أجل تصحيح المعلومة .. نكتة القطار كانت مكتوبة على الورق وهي ليست اجتهاد فهي نكتة كانت متداولة عندما كنا في المرحلة الابتدائية والقصد من وضعها في السبيناريو واضح جدا وليس فيه شيء من الابهام حيث ان المقصود ان ديبة تروي نكتة بايخة وجودي من باب التملق يضحك معتقدا أنها انتهت وهنا تكمن المفارقة في هذا المشهد .. بكلام آخر النكتة ليست إضافة من خارج النص.”

ولاحقا قام الدكتور حمادة بنشر المشهد كاملا كما هو مكتوب بالنص:
“المشهد 19 ليلي منزل جودي
جودي وديبة يشربان المتة ونلاحظ أن ديبة انطلق لسانها بعد هذه الاجراءات التي قام بها جودي وأصبحت أكثر ثقة بنفسها ، والحديث سابق لبداية المشهد
ديبة: سماع هالنكتة لكان.. تلاتة راحوا عمحطة الترين بدهن يسافرو.. لقوا لترين مشي
جودي: هاهاهاها
ديبة: ما خلصت.. ليش عم تضحك
جودي: آ.. فيه لقدام يعني بعد
ديبة: لكان.. سماع.. قام قالو شو.. بدهن يوقفوه.. إجا أول واحد لبطه لبطة انكسرت إجره
ينفجر جودي ضاحكا
جودي: هاهاها
ديبة: طول بالك.. ما خلصت.. الضحك لقدام .. موه لق..
جودي: فيه لقدام يعني
ديبة:” لكان.. قام التاني ضربه بكس.. انكسرت إيده
يضحك جودي فتنهره
ديبة: طول بالك ما خلصت..
يصمت جودي فتتابع
ديبة: قام التالت نط على داخونة الترين.. وكمشها.. قام الترين بعد شوي طوط.. طوط طوط.. التالت قله.. ما بفلتك إلا لتموت
يصمت جودي ويتابع انتظار البقية فتفاجئه
ديبة: خلصت..
يقهقه جودي كمن يريد أن يلحق نفسه
جودي: بتفقع من الضحك.. مين حاكيلك ياها..
ديبة: ما بعرف.. من لمن كنا بالمدرسة.. مدري مين حكاها.. جودي
جودي: عيونه لجودي
ديبة: بدي اسالك.. أنا حبلي شي
يفاجأ جودي بالسؤال
جودي: شو بيعرفني.. ليش حاسة بشي يعني
ديبة: لا والله موحاسة بشي.. بس يعني لأنك ما عم تخليني أشتغل شي.. قلت بلكي حبلي.. ما بده يخليني أشتغل
جودي: ولك أنا لأني بحبك ماعم خليكي تشتغلي.. مو لأنك حبلي..
ديبة:الله يسامحك.. فكرت حبلي.. ما بدي تشتغل عني وتتعب حالك.. أنا رضيانة فيك أن كنت بتحبني ولا ما بتحبني
جودي: بدي تا تقتنعي
ديبة: بقتنع ولا ستين عمري ما أقتنع.. شو بدك أنت.. دير بالك على صحتك.. أهم شي
يرشف جودي من كاسة المتة التي تشخر بسبب قوة الشفطة ويحدث نفسه (مونولوج)
جودي: العمى في عيونك العمى.. بدك تجنيني إنت.. بدك تفقعيني”

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى