ضيعة ضايعة

كلمات شارة مسلسل ضيعة ضايعة الاصلية

نشر الدكتور ممود حمادة كاتب ومؤلف مسلسل “ضيعة ضايعة” كلمات الشارة الاصلية للمسلسل قبل تعديلها لتناسب اللحن الموسيقي الذي وضعه الملحن السوري طاهر ماملي وغناها الفنان علي الديك.

واليكم كلمات الشارة قبل التعديل:

برات  العالم بدي
ضيعتنا تضلا حدي
والضيعة يمكن بدا
تا إبقى أنا حدا
لا دخان السيارات
ولا هدير الموتيرات
فيها ما حدا قدي
وفيني ماحدا قدا
*************
برات الدنيا راسي
مرتاح من المآسي
كل اللي بدي عندي
وكله مفصل عقياسي
ما بعتاز الماسيجات
ولا رنين الموبايلات
بتندهلي بتسمع ردي
وبندهلا بسمع ردا
*************
ما بدي ساعة ولا وقت
ولا بدي طريق الزفت
كل دروبي بتودي
كيف ما جيت وكيف ما رحت
ما بتلزمني هيدفونات
تإسمع فيديو كليبات
طير الـ عالغصن مهدي
بيغنيلي عالندا
*********
لا تركبلي أنتينات
تاشوف الفضائيات
ما بدي إسمع أخبار
ولا بدي أعرف شو صار
تا تضل العيشة حلوة
شوفة مرتي بتقدي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى