جويل ترد على متابع وصفها ب “الكافرة” لعرضها الطعام في نهار رمضان
ردت خبيرة التجميل اللبنانية جويل ماردينيان على احد متابعيها بعد ان وصفها ب” المرأة الكافرة” بعد ان قامت بتصوير الطعام ونشره على حسابها في شهر رمضان المبارك, وقالت جويل منفعلة :”في قلة أدب عم تصير على السوشيال ميديا ضروري أحكي عنها، هي قلة الأدب لبعض الأشخاص يلي بسمو حالن مسلمين بس أنا بقول هيدا منو الدين الإسلامي بالتأكيد”.
وأضافت: “ما في حدن يجي يقول لشخص تاني رمضان يا كافرة.. أول شي أنا مني مسلمة شو عملت لقللت احترام ضد الدين الإسلامي”.
وأوضحت جويل أن هناك مسيحيين صائمين منذ 30 يوما ، حيث يمتنعون عن تناول الاسماك واللحمة ومشتقات الألبان والزبدة وغيرها، متسائلة هل يتوجب عليهم نعت المسلمين الذي ينشرون صورا لموائدهم الممتلئة بتلك الأصناف بـ”الكفار”؟.
وأضافت: “شو قلة الاحترام؟ إنتو بحد ذاتكن الكفار هيدا منو دين الإسلام مش بهيدي الطريقة يلي بتحكو فيها، مش بهيدي الطريقة يلي بتعملو فيها تنمر على الآخرين، عيب عليكن عيب على أخلاقكن، أصلًا ما عندكن أخلاق، ما عندكم أدب، ما عندكن تهذيب، أكيد ما تربيتوا ببيوتكم خاصة على السوشال ميديا”.
وأعربت جويل عن استيائها واستغرابها من عدم توجيه المسلمين- الذين يتابعون حسابها- لهؤلاء الأشخاص الانتقاد ومهاجمتهم، لافتةً لو أنها تمتلك السيطرة على مواقع التواصل لكانت تحذف حسابات المنتقدين وتحاسبهم.
فيديو جويل عرضها لانتقادات كبيرة لطريقتها بالتهجم على الدين الاسلامي حيث كتب احدهم :”بالنسبة انها كافرة مش لازم يقلك صح بس انت تستاهلي كلام قاسي لانك عن جديد لبسك مقزز وتصرفاتك وكتران ظهورك وكلو تجميل ونفخ وفقع شد كلو راح ينفجر زهقتينا شي يوم عن حياتك يوم عن عملياتك يوم عن طلاقك يوم عن رجوعك وكانك كبرتي وانخبلتي + لبسك ما كان هيك”
وكتب اخر :انتي وجهي الكلام اله هو ليش عمالك تشملي بالحكي عيب هالحكي شملتي الجميع وجهي الكلام الو هو برضو انتو ما بتقصرو بالاساءه والتعليق ياريت كلام ما يكون موجه للكل يا مؤثره”
